ಹೊಸದಿಲ್ಲಿ: ಚಂದ್ರಯಾನ- 3ರ ಯೋಜನೆಯಡಿ ಚಂದಮಾಮನ ಅಂಗಳಕ್ಕೆ ಕಳುಹಿಸಿದ ನೌಕೆಯು ತನ್ನ ಕೆಲಸ ಮುಗಿಸಿ ಶಾಶ್ವತ ನಿದ್ರೆಗೆ ಜಾರಿದೆ. ಇದರ ನಡುವೆ ಬಾಹ್ಯಾಕಾಶದಿಂದ ಹೊಸ ಸುದ್ದಿಯೊಂದು ಬಂದಿದೆ. ಅಂದಹಾಗೆ ಇದು ವಿಕ್ರಮ್ ಲ್ಯಾಂಡರ್ ಅಥವಾ ಪ್ರಜ್ಞಾನ್ ರೋವರ್‌ಗೆ ಸಂಬಂಧಿಸಿದ್ದಲ್ಲ. ಬದಲಾಗಿ ಈ ಸಾಧನಗಳನ್ನು ಹೊತ್ತೊಯ್ದ ಎಲ್‌ವಿಎಂ3 ಎಂ4 ಉಡಾವಣಾ ವಾಹನದ್ದು.
ಈ ವರ್ಷದ ಜುಲೈ 14ರಂದು ಚಂದ್ರಯಾನ-3 ಬಾಹ್ಯಾಕಾಶ ನೌಕೆಯನ್ನು ಉದ್ದೇಶಿತ ಕಕ್ಷೆಗೆ ಸೇರ್ಪಡೆ ಮಾಡುವ ನಿರ್ಣಾಯಕ ಪಾತ್ರ ನಿರ್ವಹಿಸಿದ್ದ ಎಲ್‌ವಿಎಂ3 ಎಂ4 ಉಡಾವಣಾ ವಾಹನದ ಕ್ರಯೋಜೆನಿಕ್ ಮೇಲಿನ ಭಾಗವು ಭೂಮಿಯ ವಾತಾವರಣಕ್ಕೆ ಅನಿಯಂತ್ರಿತ ಮರು ಪ್ರವೇಶ ಪಡೆದಿದೆ ಎಂದು ಇಸ್ರೋ ತಿಳಿಸಿದೆ.
ಈ ರಾಕೆಟ್ ಸಾಧನವು ಎಲ್‌ವಿಎಂ3 ಎಂ4 ಲಾಂಚ್ ವೆಹಿಕಲ್‌ನ ಭಾಗವಾಗಿದೆ. ಬುಧವಾರ ಮಧ್ಯಾಹ್ನ 2.42ರ ಸುಮಾರಿಗೆ ಇದು ಭೂಮಿಯ ವಾತಾವರಣಕ್ಕೆ ಮರು ಪ್ರವೇಶ ಮಾಡಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಮಾಹಿತಿ ನೀಡಿದೆ.
"ಸಂಭಾವ್ಯ ಪರಿಣಾಮ ಸ್ಥಳವು ಉತ್ತರ ಪೆಸಿಫಿಕ್ ಸಮುದ್ರ ಪ್ರದೇಶದ ಮೇಲ್ಭಾಗದಲ್ಲಿದೆ ಎಂದು ಅಂದಾಜಿಸಲಾಗಿದೆ. ಅಂತಿಮ ಭೂ ಟ್ರ್ಯಾಕ್ ಭಾರತ ಮೇಲೆ ಹಾದು ಹೋಗಿರಲಿಲ್ಲ" ಎಂದು ಇಸ್ರೋ ಹೇಳಿಕೆಯಲ್ಲಿ ತಿಳಿಸಿದೆ.
ಅವಶೇಷಗಳ ನಾಶ: ನಿಯಮಕ್ಕೆ ಬದ್ಧ
ಚಂದ್ರಯಾನ- 3 ಯೋಜನೆಯ ಉಡಾವಣೆಯಾದ 124 ದಿನಗಳ ಒಳಗೆ ರಾಕೆಟ್‌ನ ಭಾಗ ಭೂಮಿಯ ವಾತಾವರಣಕ್ಕೆ ಮರು ಪ್ರವೇಶ ಮಾಡಿದೆ. ಎಲ್‌ವಿಎಂ3 ಎಂ4 ಕ್ರಯೋಜೆನಿಕ್ ಅಪ್ಪರ್ ಸ್ಟೇಜ್‌ನ ಉಡಾವಣಾ ನಂತರದ ಆರ್ಬಿಟಲ್ ಜೀವಿತಾವಧಿಯು, ಅಂತರ್ ಸಂಸ್ಥೀಯ ಬಾಹ್ಯಾಕಾಶ ಅವಶೇಷಗಳ ಸಮನ್ವಯ ಸಮಿತಿಯ (ಐಎಡಿಸಿ) ಶಿಫಾರಸಿನಂತೆ ಕೆಳ ಭೂ ಕಕ್ಷೆಯ ವಸ್ತುಗಳ '25 ವರ್ಷಗಳ ನಿಯಮ'ಕ್ಕೆ ಸಂಪೂರ್ಣ ಪೂರಕವಾಗಿದೆ ಎಂದು ಇಸ್ರೋ ಹೇಳಿದೆ.
"ಸಂಭಾವ್ಯ ಪರಿಣಾಮ ಸ್ಥಳವು ಉತ್ತರ ಪೆಸಿಫಿಕ್ ಸಮುದ್ರ ಪ್ರದೇಶದ ಮೇಲ್ಭಾಗದಲ್ಲಿದೆ ಎಂದು ಅಂದಾಜಿಸಲಾಗಿದೆ. ಅಂತಿಮ ಭೂ ಟ್ರ್ಯಾಕ್ ಭಾರತ ಮೇಲೆ ಹಾದು ಹೋಗಿರಲಿಲ್ಲ" ಎಂದು ಇಸ್ರೋ ಹೇಳಿಕೆಯಲ್ಲಿ ತಿಳಿಸಿದೆ.
ಅವಶೇಷಗಳ ನಾಶ: ನಿಯಮಕ್ಕೆ ಬದ್ಧ
ಚಂದ್ರಯಾನ- 3 ಯೋಜನೆಯ ಉಡಾವಣೆಯಾದ 124 ದಿನಗಳ ಒಳಗೆ ರಾಕೆಟ್‌ನ ಭಾಗ ಭೂಮಿಯ ವಾತಾವರಣಕ್ಕೆ ಮರು ಪ್ರವೇಶ ಮಾಡಿದೆ. ಎಲ್‌ವಿಎಂ3 ಎಂ4 ಕ್ರಯೋಜೆನಿಕ್ ಅಪ್ಪರ್ ಸ್ಟೇಜ್‌ನ ಉಡಾವಣಾ ನಂತರದ ಆರ್ಬಿಟಲ್ ಜೀವಿತಾವಧಿಯು, ಅಂತರ್ ಸಂಸ್ಥೀಯ ಬಾಹ್ಯಾಕಾಶ ಅವಶೇಷಗಳ ಸಮನ್ವಯ ಸಮಿತಿಯ (ಐಎಡಿಸಿ) ಶಿಫಾರಸಿನಂತೆ ಕೆಳ ಭೂ ಕಕ್ಷೆಯ ವಸ್ತುಗಳ '25 ವರ್ಷಗಳ ನಿಯಮ'ಕ್ಕೆ ಸಂಪೂರ್ಣ ಪೂರಕವಾಗಿದೆ ಎಂದು ಇಸ್ರೋ ಹೇಳಿದೆ.ಚಂದ್ರಯಾನ- 3ರ ಸೇರ್ಪಡೆ ಬಳಿಕ ರಾಕೆಟ್‌ನ ಮೇಲಿನ ಹಂತವು, ವಿಶ್ವಸಂಸ್ಥೆ ಮತ್ತು ಐಎಡಿಸಿ ಸೂಚಿಸಿರುವ ಬಾಹ್ಯಾಕಾಶ ಅವಶೇಷ ತಗ್ಗಿಸುವ ಮಾರ್ಗಸೂಚಿಗಳಿಗೆ ಪ್ರಕಾರ ಅಪಘಾತೀಯ ಸ್ಫೋಟಗಳ ಅಪಾಯವನ್ನು ಕಡಿಮೆ ಮಾಡಲು ಎಲ್ಲಾ ಉಳಿದ ಪ್ರೊಪೆಲ್ಲೆಂಟ್ ಹಾಗೂ ಇಂಧನ ಮೂಲಗಳನ್ನು ತೆರವುಗೊಳಿಸುವ 'ನಿಷ್ಕ್ರಿಯತೆ'ಯ ಪ್ರಕ್ರಿಯೆಗೆ ಒಳಪಟ್ಟಿತ್ತು ಎಂದು ಪ್ರತಿಪಾದಿಸಿದೆ.
"ಈ ರಾಕೆಟ್‌ನ ಭಾಗದ ಯೋಜನಾ ನಂತರದ ನಿಷ್ಕ್ರಿಯ ಹಾಗೂ ವಿಲೇವಾರಿ ಚಟುವಟಿಕೆಯನ್ನು ಅಂತಾರಾಷ್ಟ್ರೀಯವಾಗಿ ಸ್ವೀಕೃತವಾಗಿರುವ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ನಡೆಸಲಾಗಿದ್ದು, ಹೊರ ಬಾಹ್ಯಾಕಾಶ ಚಟುವಟಿಕೆಗಳ ಸುದೀರ್ಘ ಕಾಲದ ಸುಸ್ಥಿರತೆಯನ್ನು ಕಾಪಾಡಲು ಭಾರತದ ಬದ್ಧತೆಯನ್ನು ಮರು ಪ್ರತಿಪಾದಿಸುತ್ತದೆ" ಎಂದು ಇಸ್ರೋ ಹೇಳಿದೆ.
"ಈ ರಾಕೆಟ್‌ನ ಭಾಗದ ಯೋಜನಾ ನಂತರದ ನಿಷ್ಕ್ರಿಯ ಹಾಗೂ ವಿಲೇವಾರಿ ಚಟುವಟಿಕೆಯನ್ನು ಅಂತಾರಾಷ್ಟ್ರೀಯವಾಗಿ ಸ್ವೀಕೃತವಾಗಿರುವ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ನಡೆಸಲಾಗಿದ್ದು, ಹೊರ ಬಾಹ್ಯಾಕಾಶ ಚಟುವಟಿಕೆಗಳ ಸುದೀರ್ಘ ಕಾಲದ ಸುಸ್ಥಿರತೆಯನ್ನು ಕಾಪಾಡಲು ಭಾರತದ ಬದ್ಧತೆಯನ್ನು ಮರು ಪ್ರತಿಪಾದಿಸುತ್ತದೆ" ಎಂದು ಇಸ್ರೋ ಹೇಳಿದೆ.
ವಿಕ್ರಮ್ ಲ್ಯಾಂಡರ್ ಮತ್ತು ಪ್ರಜ್ಞಾನ್ ರೋವರ್ ನೌಕೆಗಳನ್ನು ಒಳಗೊಂಡ ಚಂದ್ರಯಾನ- 3 ಯೋಜನೆಯನ್ನು ಚಂದ್ರನ ದಕ್ಷಿಣ ಧ್ರುವದ ಮೇಲೆ ಸುರಕ್ಷಿತವಾಗಿ ಇಳಿಸುವವ ಮೂಲಕ ಇಸ್ರೋ ಐತಿಹಾಸಿಕ ಸಾಧನೆಯನ್ನು ಮಾಡಿತ್ತು. ಈ ನೌಕೆಗಳು ನಿಗದಿತ ಸಮಯದಲ್ಲಿ ನಿರೀಕ್ಷಿಸಿದ್ದಷ್ಟು ಮಾಹಿತಿಗಳನ್ನು ಭೂಮಿಗೆ ರವಾನೆ ಮಾಡಿತ್ತು.
Post a Comment